web analytics
Сьвінакомплекс нанёс шкоду прыродзе амаль у 700 базавых велічынь » article » За правы чалавека

Сьвінакомплекс нанёс шкоду прыродзе амаль у 700 базавых велічынь

31 July 2015 | admin |

Сьцёкавыя воды - 2Сталі вядомыя лічбы шкоды, нанесенай навакольнаму асяродзьдзю ўнітарным прадпрыемствам “Паўночны” на возеры Бараноўскае Віцебскага раёну напрыканцы траўня. Эколягі вызначылі шкоду прыродзе ў памеры 699 базавых велічынь – 125 мільёнаў 820 тысяч рублёў.

Гарадоцкая міжраённая інспэкцыя аховы жывёльнага і расьліннага сьвету паведаміла на старонках газэты “Гарадоцкі веснік”, што 29 траўня на возеры Бараноўскім каля вёскі Канавалава Віцебскага раёну выяўлены факт гібелі 83 рыбін розных відаў.

Гібель рыбы адбылася ў сувязі з пападаньнем сьцёкавых вод у выніку прарыву абвалоўкі ў месцы знаходжаньня сьцёкавых вод на палях паліву, якія належаць сьвінагадоўчаму комплексу ў Пальмінцы. УП “Паўночны” прад’яўлены іск на суму 125 мільёнаў 800 тысяч рублёў і адміністрацыйны штраф.

haradok.info

Прабачце, камэнтары не дазволеныя.