web analytics
Дзяржаўнае радыё «Віцебск»: «Песьні па-беларуску мы ня ставім» » article » За правы чалавека

Дзяржаўнае радыё «Віцебск»: «Песьні па-беларуску мы ня ставім»

28 November 2014 | admin |

Радыё ВіцебскТое, што большасьць беларускіх радыёстанцыяў лічаць кампазыцыі жорсткім нефарматам толькі за тое, што яны прасьпяваныя на беларускай мове, пацьвердзілася чарговы раз. Музычны рэдактар радыёстанцыі Дар’я Пацехіна адкрыта заявіла, што песьні на беларускай мове не ратуюцца ў іх этэры.

Лідэр гурта HandmadE Яўген Валошын сутыкнуўся з адмовай, калі прапанаваў да ратацыі на радыё «Віцебск» сваю новую песьню «Нямое кіно». Музычны рэдактар радыёстанцыі Дар’я Пацехіна, атрымаўшы аўдыёфайл, адразу папярэдзіла ў карэктнай форме, што творы на беларускай мове яны не ратуюць.

«Не хачу, каб гэта выглядала на скаргу, бо дзяўчына з радыё з увагаю паставілася да майго звароту, паслухала, адказала. Проста такая сытуацыя склалася канкрэтна ў Віцебску, я думаю. Даюць свае вынікі помнікі прарасейскім дзеячам. Ды яшчэ, можа, недагляд мясцовага аддзелу культуры, які курыруе гэтае радыё», — пракамэнтаваў гэты выпадак лідэр HandmadE.

Песьні гэтага гурта ратуюцца на іншых беларускіх дзяржаўных радыёстанцыях, у прыватнасьці на радыё «Гродна», «Мінская хваля», радыё «Сталіца». Гурт таксама пастаянна запрашае на здымкі тэлеканал АНТ.

tuzin.fm

Прабачце, камэнтары не дазволеныя.