web analytics
Сьледчы камітэт узбудзіў крымінальную справу па факце гібелі рабочых на Наваполацкай ЦЭЦ » article » За правы чалавека

Сьледчы камітэт узбудзіў крымінальную справу па факце гібелі рабочых на Наваполацкай ЦЭЦ

29 September 2014 | admin |

Выбух на Наваполацкай ЦЭЦСьледчым камітэтам Рэспублікі Беларусь узбуджаная крымінальная справа па факце гібелі рабочых ААТ «Белэнэргарамналадка» падчас вытворчасьці рамонтных работ на Наваполацкай ЦЭЦ. Сьледчымі праведзены шэраг аглядаў на прадпрыемстве. У цяперашні час ажыцьцяўляецца выманьне дакумэнтацыі, вядуцца допыты спэцыялістаў ЦЭЦ. Прызначаныя экспэртныя дасьледаваньні. Сьледчая група працягвае працу на месцы.

“Сёньня [25 верасьня] днём пры ажыцьцяўленьні падрадных работ арганізацыяй “Белэнэргарамналадка” адбылося надзвычайнае здарэньне - выкід пары - у выніку якога два работнікі, якія рабілі працы, загінулі, - паведаміў першы намесьнік начальніка ГСУ СК РБ Васіль Галь. - Па гэтым факце СК узбуджаная крымінальная справа паводле ч. 3 арт. 306 КК РБ (Парушэньне правілаў аховы працы, што пацягнула па неасьцярожнасьці сьмерць двух або больш асоб). Праводзіцца комплекс сьледчых і іншых працэсуальных дзеяньняў, накіраваных на выяўленьне прычын і іншых абставінаў надзвычайнага здарэньня”.

Аварыя на Наваполацкай ЦЭЦ адбылася аб 11:20 25 верасьня. У выніку выкіду паравадзяной сумесі загінулі двое рабочых ААТ «Белэнэргарамналадка». Паводле папярэдняй інфармацыі, ахвярамі няшчаснага выпадку сталі сьлесар і зваршчык.

ximik.info

Прабачце, камэнтары не дазволеныя.