web analytics
2014 May » archive » За правы чалавека

Архіў за May, 2014

Андрэй Герашчанка: «Беларусы – ня рускія» – гэта антынацыянальны пасыл

Saturday, May 31st, 2014

Дзяяч расейскага руху зь Віцебску Андрэй Герашчанка даў вялікае інтэрвію сайту imperiya.by. Кіраўнік Каардынацыйнай рады расейскіх суайчыньнікаў Беларусі разважаў аб культуры, пазыцыі Беларусі і ўкраінскай «хунце».

Пан Скіргайла Палянэцкі-Мацкевіч пазнаёміў віцебчукоў з батлейкай

Saturday, May 31st, 2014

Эўрапейскі клюб на вуліцы Сеньненскай наладзіў чарговую цікавую імпрэзу для зацікаўленых віцебчукоў. Цяпер гэта быў выступ менскага Тэатру пана Скіргайлы Палянэцкага-Мацкевіча. Уласна самому выступу папярэднічала грунтоўная дзьвюхгадзінная лекцыя пра гісторыю батлейкі, прыёмы маніпуляцыі нашае сьвядомасьцю, а таксама пра найбольш пашыраныя памылкі пры вырабе ўласных батлеек і лялек для іх.

Папраўчую калёнію ў Наваполацку ліквідуюць. На яе базе створаць ЛПП

Saturday, May 31st, 2014

Дзьве папраўчыя калёніі будуць ліквідаваныя ў Беларусі, на іх базе будуць створаныя ЛПП. Такое рашэньне зьмяшчаецца ва ўказе кіраўніка беларускай дзяржавы №242 "Аб удасканаленьні дзейнасьці крымінальна-выканаўчай сыстэмы Міністэрства ўнутраных спраў", падпісаным 28 траўня, паведамляе прэс-служба прэзыдэнта.

Кіраўнік Беларусі прыстрашыў губэрнатара Косінца адстаўкай

Saturday, May 31st, 2014

Кіраўнік дзяржавы папярэдзіў старшыню Віцебскага аблвыканкама аб адказнасьці за невыкананьне ўзятых на сябе забавязаньняў. Адпаведныя заявы былі зробленыя Лукашэнкам 27 траўня на выязной нарадзе па праблемах кормавытворчасьці і павышэньня эфэктыўнасьці жывёлагадоўлі.

«Мова нанова» — цяпер і ў Віцебску

Saturday, May 31st, 2014

Больш за 60 чалавек прыйшлі ў Віцебску на першы занятак бясплатных курсаў беларускай мовы «Мова нанова». Вядоўцамі выступілі стваральнікі менскіх курсаў Алеся Ліцьвіноўская і Глеб Лабадзенка. У сталіцы курсы праходзяць са студзеня 2014 году. Канцэпцыя заняткаў - неакадэмічнае вывучэньне беларускай мовы.

Доктар Пастноў прапануе жыхарам Віцебску разам зьбіраць фотафакты

Saturday, May 31st, 2014

Віцебскі "лекар-праўдалюб" лічыць, што кепскія бытавыя ўмовы ў гарадзкіх шпіталёх зьневажаюць людзей. Асабліва з улікам таго, што "доўгабуды" і зацягнутыя на дзесяцігодзьдзі рамонты фінансуюцца зь дзяржаўнага бюджэту, а па вялікім рахунку – за кошт падаткаў тых самых пацыентаў. Таму ён прапануе зьбіраць падобныя фотадоказы і рабіць іх здабыткам галоснасьці.

На Віцебшчыне адключаюць аналягавае тэлебачаньне

Saturday, May 31st, 2014

Згодна з графікам паэтапнага адключэньня аналягавага тэлевізійнага вяшчаньня на тэрыторыі Віцебскага раёну з 1 чэрвеня 2014 году спыняецца вяшчаньне дзяржаўных праграм аналягавай тэлевізіі «СТБ» (41 частотны канал), «НТВ-Беларусь» ( 26 частотны канал), «Беларусь-2» (31 частотны канал) з радыётэлевізійнай перадаючай станцыі (РТПС) у г. Віцебску.

Палітвязень Ігар Аліневіч пазбаўлены магчымасьці вучыцца ў калёніі

Saturday, May 31st, 2014

Маці палітвязьня Ігара Аліневіча, які адбывае пакараньне ў Наваполацкай калёніі, распавяла пра няўдалыя спробы сына пачаць навучаньне ў калёніі: «Адразу ён спрабаваў працаваць па спэцыяльнасьці, якая блізкая да ягонай адукацыі, а ён закончыў радыётэхнічны. Але яго ня бралі ні на якую. А летась узялі ў ПТВ на краўца, але празь ...

Міністар сельскай гаспадаркі і харчаваньня: Разьвіцьцё АПК Віцебскай вобласьці тармозяць няякасныя кармы і нізкая падрыхтоўка кадраў

Saturday, May 31st, 2014

Няякасныя кармы і нізкая прафэсійная падрыхтоўка кадраў не дазваляюць Віцебскай вобласьці дасягаць добрых эканамічных паказчыкаў у жывёлагадоўлі. Пра гэта заявіў у Віцебску міністар сельскай гаспадаркі і харчаваньня Леанід Заяц (на фота), які 23 траўня ўзяў удзел у працы абласнога сэмінару па пытаньнях нарыхтоўкі кармоў.

Участак чыгункі Полацак-Дзьвінск будзе электрыфікаваны

Saturday, May 31st, 2014

Беларуская чыгунка і ДАТ "Латвійская чыгунка" заключылі пагадненьне аб супрацоўніцтве ў сфэры электрыфікацыі напрамку Полацак — Дзьвінск (Даўгаўпілс). Паводле інфармацыі прэс-цэнтра БЧ, асноўнымі мэтамі дакумэнту зьяўляюцца павышэньне экалягічнай бясьпекі і канкурэнтаздольнасьці чыгуначнага транспарту, разьвіцьцё інфраструктуры прымежных участкаў на згаданым напрамку.