web analytics
2013 December » archive » За правы чалавека

Архіў за December, 2013

У Віцебску прайшоў сумесны парад Дзядоў Марозаў і… міліцыянтаў (відэа)

Monday, December 30th, 2013

Многія месьцічы, якія прыйшлі паглядзець на традыцыйны парад Дзядоў Марозаў у Віцебску, зьвярнулі ўвагу на тое, што апроч саміх дзядуляў, сьнягурак ды розных казачных пэрсанажаў у парадзе ўзяла ўдзел неверагодная колькасьць супрацоўнікаў праваахоўных органаў. Міліцыянты зганялі людзей з праезнай часткі на ходнікі, каб яны не заміналі руху калёны Дзядоў Марозаў.

Барыс Хамайда выступае за байкот мясцовых выбараў (відэа)

Sunday, December 29th, 2013

Як лічыць вядомы віцебскі апазыцыянэр, у краіне нічога не зьмянілася, пачынаючы з 1996 году, калі, як ён кажа, «адбыўся антыканстытуцыйны пераварот». Таму нельга браць удзел у мясцовых выбарах, якія мяркуецца зладзіць ўвесну 2014 году. На думку палітыка, браць удзел у выбарах – значыць пацьвердзіць легітымнасьць «кіруючай групоўкі».

Віцебскага праваабаронцу не пусьцілі на паседжаньне па ўтварэньні выбарчай камісіі

Saturday, December 28th, 2013

26 сьнежня прадстаўніка рэспубліканскай праваабарончай арганізацыі "Беларускі Хэльсынскі камітэт» Леаніда Сьвеціка не дапусьцілі на сумеснае паседжаньне Віцебскага гарадзкога выканаўчага камітэту і Прэзыдыюму Віцебскага гарадзкога Савету дэпутатаў па ўтварэньні тэрытарыяльнай выбарчай камісіі ў горадзе Віцебску. Фармальнай прычынай нядопуску на паседжаньне стала адсутнасьць Леаніда ў сьпісе запрошаных.

«Падробныя» жыроўкі ад «Гавары праўду» зьявіліся ў паштовых скрынках віцебчукоў

Friday, December 27th, 2013

Жыхары Віцебску пачалі знаходзіць у сваіх паштовых скрынях дзіўныя «жыроўкі» - яны зьмяшчаюць астранамічныя сумы камунальных плацяжоў і папярэджаньні пра рост коштаў з 1 студзеня 2014 году на розныя паслугі. Калі перавярнуць «жыроўку», то аказваецца, што гэта перадвыбарчая ўлётка грамадзянскай кампаніі «Гавары праўду».

Нягледзячы на даўгі, ХК «Віцебск» працягне гуляць у чэмпіянаце Беларусі

Friday, December 27th, 2013

Нягледзячы на даўгі "Віцебску", якія складаюць 240 мільёнаў рублёў, выканкам Фэдэрацыі хакея Рэспублікі Беларусь пастанавіў пакінуць каманду ў чэмпіянаце краіны. Клюб зьбіраўся знайсьці грошы ў фундатараў, але, відаць, гэтага зрабіць не ўдалося. Фэдэрацыяй хакея былі атрыманыя гарантыйныя лісты Віцебскага абласнога выканаўчага камітэту. З 1 лістапада каманда стала бюджэтнай.

«Віцебскэнэрга» незаконна захоўвае небясьпечныя адходы?

Thursday, December 26th, 2013

Цяплічны камбінат «Віцебскэнэрга» робіць незаконнае захаваньне мінэральнай ваты. Пра гэта паведаміў Аляксей Іваноў: «У нас у пасёлку Арэхаўск Аршанскага раёну Віцебскай вобласьці цяплічны камбінат РУП «Віцебскэнэрга» зьдзяйсьняе незаконнае пахаваньне мінэральнай ваты пасьля выкарыстаньня яе ў вытворчасьці. Пахавалі ўжо некалькі вагонаў».

У цэнтры Воршы зьнішчылі прыгожыя елкі

Thursday, December 26th, 2013

Сінія елкі зрэзаныя пад корань у самым цэнтры Воршы. Аршанцы з жахам заўважылі зьмены ў абліччы Дзіцячай школы мастацтваў №1 на вуліцы Леніна. Вялікія дрэвы, якія не адзін год складалі, па сутнасьці, неад'емную частку "музыкалкі", сьпілаваныя пад корань.

Віцебскіх настаўнікаў прымусілі ўдзельнічаць у парадзе Дзядоў Марозаў

Thursday, December 26th, 2013

У рэдакцыю Onliner.by прыйшоў ліст ад настаўніка віцебскай гімназіі. Выкладчык у зьдзіўленьні, чаму яго абавязваюць ўдзельнічаць у гарадзкім парадзе Дзядоў Марозаў, і пры гэтым трэба быць абавязкова ў касьцюме, а дзе яго ўзяць - незразумела. У лісьце напісана наступнае: «Парад - гэта крута, але да яго, як у нас заведзена, ...

На Віцебшчыне квітнее карупцыя

Thursday, December 26th, 2013

За 9 месяцаў 2013 году на тэрыторыі Віцебскай вобласьці выяўлена 348 карупцыйных злачынстваў, што на 14,1% больш, чымся за аналягічны пэрыяд мінулага году. У структуры карупцыйнай злачыннасьці пераважаюць факты хабарніцтва (183 злачынствы, або 53%), крадзяжы праз злоўжываньне службовымі паўнамоцтвамі (97 злачынстваў, або 28%). Правёўшы каардынацыйную нараду па барацьбе са злачыннасьцю ...

У Віцебску АМАП і міліцыя затрымалі каля 30-ці чалавек, якія ехалі на канцэрт

Saturday, December 21st, 2013

Музыкі зь Менску, якія хацелі паўдзельнічаць у канцэрце ў Віцебску, не змаглі выйсьці на сцэну. Пра гэта паведаміў адзін з музыкаў — Павал: «Мы даехалі цягніком зь Менску да Воршы. Там трэба было чакаць дзьве гадзіны, і мы выйшлі, каб прагуляцца. Раптам каля нас зьявіліся супрацоўнікі мясцовай міліцыі. Усіх адвялі ...