web analytics
Ігар Яўсееў стаў генэрал-маёрам » article » За правы чалавека

Ігар Яўсееў стаў генэрал-маёрам

21 June 2013 | admin |

12071104.jpg20 чэрвеня Аляксандар Лукашэнка падпісаў указ аб наданьні начальніку УУС Віцебскага аблвыканкаму палкоўніку міліцыі Ігару Яўсееву чарговага званьня — генэрал-маёра. Нагадаем, кіраўніком віцебскай абласной міліцыі Яўсееў быў прызначаны 15 чэрвеня 2012 году з пасады начальніка міліцыі грамадзкай бяспекі ГУУС Менгарвыканкаму.

Менавіта апошняя пасада “праславіла” Яўсеева. У яго непасрэдныя абавязкі ўваходзіла сачэньне за масавымі акцыямі і іх уціхаміраваньне (найчасьцей шляхам разгону). Не цураўся і сам прымаць удзел у зьбіцьці. Напрыклад, усім добра памятаецца, як ад Яўсеева у першыя дні пасьля Плошчы пацярпеў фатограф Уладзь Грыдзін. Яўсееў быў адным з галоўных дзеючых пэрсанажаў падчас самой Плошчы. Ён хадзіў на перамовы з кандыдатамі ў прэзыдэнты. Чым скончылася Плошча, няма нагоды лішні раз нагадваць. Пасьля яе Яўсееў трапіў у сьпісы неўязных на тэрыторыю Эўразьвязу пад нумарам 84. А вось Лукашэнка за Плошчу даслаў Яўсееву падзячны ліст.

Пасьля Яўсееў быў відным дзеячам падчас «Стоп — бэнзіну» і маўклівых акцыяў пратэсту. Каардынаваў і камандаваў разгонамі менавіта ён. Перад маўклівай акцыяй на Дзень Рэспублікі Яўсееў адзначыў, што апладзіраваць можна толькі вэтэранам. Разгон каля Чыгуначнага вакзалу на 3 ліпеня быў адным з найбольш брутальных пасьля Плошчы.

Паводле “Нашай Нівы”

Прабачце, камэнтары не дазволеныя.