web analytics
КХП БНФ рыхтуецца да правядзеньня ў Віцебску шэсьця і мітынгу » article » За правы чалавека

КХП БНФ рыхтуецца да правядзеньня ў Віцебску шэсьця і мітынгу

29 October 2012 | admin |

Kamunizmu - nieАктывісты Кансэрватыўна-хрысьціянскай партыі БНФ маюць намер зладзіць 7 лістапада ў Віцебску вулічнае шэсьце і пікет. Адпаведная заява пададзеная імі ў віцебскі гарвыканкам. Мэта меркаваных масавых мерапрыемстваў: распавесьці жыхарам гораду пра згубную ролю камуністычнай ідэалёгіі для разьвіцьця Беларусі, пра злачынную дзейнасьць камуністаў па зьнішчэньні нацыянальнай культуры, мовы і самаідэнтычнасьці беларускага народу.

На думку аднаго з заяўнікаў акцыі Яна Дзяржаўцава, у краіне не павінна існаваць такога сьвята, як 7 лістапада: “У 1917 годзе банда злачынцаў-тэрарыстаў захапіла ўладу збройным шляхам у Расеі і Беларусі. Бальшавікі на штыках прынесьлі сваю бандыцкую ўладу ў Беларусь. Забілі некалькі мільёнаў беларускіх грамадзян. Тое, што ўчынілі бальшавікі, можна параўнаць толькі з фашысцкай навалай. Сьвяткаваць 7 лістапада, як зараз гэта робіць сучасная ўлада, могуць толькі сапраўдныя камуна-фашысты!” - сьцьвярджае Ян Дзяржаўцаў.

“Віцебская Вясна”

Прабачце, камэнтары не дазволеныя.